SAHIH BUKHARI HADEES NO. 8 TO 14 | صحیح بخاری حدیث 8 سے 14 تک

حدیث نمبر 8

SAHIH BUKHARI HADEES NO.8

رسول اللہ صلی اللہ علیہ وسلم نے فرمایا اسلام کی بنیاد پانچ چیزوں پر قائم کی گئی ہے۔ اول گواہی دینا کہ اللہ کے سوا 

کوئی معبود نہیں اور بیشک محمد صلی اللہ علیہ وسلم اللہ کے سچے رسول ہیں اور نماز قائم کرنا اور زکوٰۃ ادا کرنا اور حج کرنا اور 

رمضان کے روزے رکھنا۔ 

حدیث نمبر 9

SAHIH BUKHARI HADEES NO.9

آپ صلی اللہ علیہ وسلم نے فرمایا کہ ایمان کی ساٹھ سے کچھ اوپر شاخیں ہیں۔ اور حیاء  ( شرم )  بھی ایمان کی ایک 

شاخ ہے۔ 

حدیث نمبر 10

SAHIH BUKHARI HADEES NO.10

آپ صلی اللہ علیہ وسلم نے فرمایا مسلمان وہ ہے جس کی زبان اور ہاتھ سے مسلمان بچے رہیں اور مہاجر وہ ہے جو ان 

کاموں کو چھوڑ دے جن سے اللہ نے منع فرمایا۔ ابوعبداللہ  ( امام بخاری رحمہ اللہ )  نے فرمایا اور ابومعاویہ نے کہ ہم 

کو حدیث بیان کی داؤد بن ابی ہند نے، انہوں نے روایت کی عامر شعبی سے، انہوں نے کہا کہ میں نے سنا عبداللہ بن 

عمرو بن عاص سے، وہ حدیث بیان کرتے ہیں جناب نبی کریم صلی اللہ علیہ وسلم سے  ( وہی مذکورہ حدیث )  اور کہا 

کہ عبدالاعلیٰ نے روایت کیا داؤد سے، انہوں نے عامر سے، انہوں نے عبداللہ بن عمرو بن عاص سے، انہوں نے نب 

کریم صلی اللہ علیہ وسلم سے۔ 

حدیث نمبر 11

SAHIH BUKHARI HADEES NO.11

لوگوں نے پوچھا یا رسول اللہ! کون سا اسلام افضل ہے؟ تو نبی کریم صلی اللہ علیہ وسلم نے فرمایا وہ جس کے ماننے 

والے مسلمانوں کی زبان اور ہاتھ سے سارے مسلمان سلامتی میں رہیں۔

حدیث نمبر 12

SAHIH BUKHARI HADEES NO.12

ایک دن ایک آدمی نے نبی کریم صلی اللہ علیہ وسلم سے پوچھا کہ کون سا اسلام بہتر ہے؟ فرمایا کہ تم کھانا کھلاؤ، اور 

جس کو پہچانو اس کو بھی اور جس کو نہ پہچانو اس کو بھی، الغرض سب کو سلام کرو۔ 

حدیث نمبر 13

SAHIH BUKHARI HADEES NO.13

نبی کریم صلی اللہ علیہ وسلم نے فرمایا تم میں سے کوئی شخص ایماندار نہ ہو گا جب تک اپنے بھائی کے لیے وہ نہ چاہے 

جو اپنے نفس کے لیے چاہتا ہے۔ 

حدیث نمبر 14

SAHIH BUKHARI HADEES NO.14

بیشک رسول اللہ صلی اللہ علیہ وسلم نے فرمایا، قسم ہے اس ذات کی جس کے ہاتھ میں میری جان ہے۔ تم میں سے

کوئی بھی ایماندار نہ ہو گا جب تک میں اس کے والد اور اولاد سے بھی زیادہ اس کا محبوب نہ بن جاؤں۔